steeven Saba

Impact antann li avèk milye teren entènasyonal ayisyen Steeven Saba

Impact Monreyal fè anons madi ke li konkli yon antant avèk milye teren entènasyonal ayisyen Steeven Saba, pou yon kontra de yon sezon avèk ane opsyon pou 2021 ak 2022. Akizisyon sa a pral konfime aprè resepsyon sètifika transfè entènasyonal li.
Saba genyen yon paspò ameriken et li pa bezwen plas pou jwè etranje.

« Steeven konfime kalite ke nou te wè nan li avan nou envite li nan kan an, te di direktè espo de Impact nan Monreyal, Olivier Renard. Nou trè kontan ke li ka rantre nan Impact la epi kòmanse dezyèm pòsyon kan fòmasyon kòm yon jwè nan pwòp dwa li yo. »

Saba, 26 zan, ap rejwen ofisyèlman premye ekipe la aprè ke li te patisipe nan premye faz kan fòmasyon an, nan Monreyal ak Orlando.

Li jwe de dènye sezon li yo nan Pòtoprens, Ayiti, avèk Violette Athletic Club, ki evolye nan Chanpyona nasyonal la.

Li te déjà nan akademi klib Saint-Louis-de-Gonzague ak Fc Shana yo, an Ayiti, avan li evolye ak Weston Akademi, nan Zetazini yo.

Sou sèn entènasyonal la, Saba jwe deja 12 match avèk ekip nasyonal Ayiti a, li te komanse le 30 me 2018 pandan yon match zanmitay kont Argentine. Se pandan Gold Cup 2019 de Concacaf nan ke li distenge tèt li, lè sa yo te nonmen li nan pi bon XI de faz gwoup la nan kompetisyon an. Li te komanse senk match Grenadiers yo, Grenadiers ki te rive nan semi-final nan konpetisyon an, e li fè premye gòl li nan nivo entènasyonal jou 21 jen 2019 kont Nicaragua, nan premye match faz gwoup la. Li jwe match kalifikasyon an tou, aprè li jwe twa match de Lig Nasyon A yo de Concacaf. Li te jwe anvan avèk ekipe U18 nan Etazini yo.

Transaksyon : Impact nan Monreyal konkli yon antant avèk milye teren Steeven Saba, pou yon kontra de yon sezon avèk ane opsyon pou 2021 ak 2022.

Steeven Saba
Pozisyon : milye teren
Wotè : 5’7’’
Pwa : 165 liv
Nesans : 24 fevriye 1993, Pòtoprens, Ayiti
Sitwayènte : Ayiti ak Etazini
Dènye Klib : Violette AC (Ayiti)
Akizisyon : 4 fevriye 2020